KNC wa Gasogi UTD, abafana ba Bugesera FC bendaga kumumira bunguri, nyuma yo kumusohoreza amasezerano

Kuri uyu wa Gatandatu tariki ya 30 Nzeri 2023, kuri Stade ya Bugsera ni ho rwari rwambikanye hagati y'ikipe ya Bugesera FC na Gasogi United, umukino warangiye ikipea ya Bugesera FC irusha ikipe ya Gasogi United mu buryo bugaragara.

Muri uyu mukino utari woroheye na gato ikipe ya Gasogi United irangajwe imbere na Perezida wayo Kakooza Nkuriza Charles, KNC, wari wanatangaje amagambo yahagurukije abafana ba Bugesera FC, yanyagiwe ibitego 3-0, nyuma y'uko abafana bayo bari bahize kuyitsinda 4-0 nk'inbyo bari batsinze ikipe ya Kiyovu Sports mu mikino wari wabahurije kuri iki kibuga kuwa 02 Nzeri 2023.

Umukino wahuje ikipe ya Bugesera FC na Gasogi United, wari umukino waranzwe n'ishyaka ryinshi ku ikipe ya Bugesera imaze kwerekana ko bitapfa korohera buri kipe iyo ariyo yose gukura amanota 3 ku kibuga cyayo. 

Igice cya mbere cy'uyu mukino cyarangiye ikipe ya Bugesera FC, iri imbere n'initego 2-0. Igitego cya mbere cyatsinzwe na Gakiza R. ku munota wa 35', icya kabiri gitsindwa na Elijah A. ku munota wa 47'. Ikindi gitego cya gatatu cyabonetse mu gice cya kabiri cy'umukino ku munota wa 77' w'umukino; birangira Bugesera yegukanye intsinzi ku bitego byayo 3-0 Gasogi United.

Nyuma y'iyi ntsinzi, abafana ba Bugesera FC bikojeje mu bicu benda kumira bunguri Perezida wa Gasogi United, wari wabatangarije ko kuba baranyagiye ikipea ya Kiyovu Sports bitavuzeko na we bamwogeraho uburimiro, aho yabibabwiye agira ati:"Kwigera ipantalo ya so ntibikugira umugabo wa nyoko".

Uyu mukino usize ikipea ya Gasogi United igiye ku mwanya wa 4 n'amanota 7, na ho ikipe ya Bugesera yo yahise ijya ku mwanya wa 5 n'amanota 6