Umunyenga w'urukundo hagati ya Miss Kayumba Darina n'umuraperi Kimzer ukomeje gufata indi ntera - AMAFOTO

Igisonga cya Kabiri cya Miss Rwanda 2022, Kayumba Darina n’umuraperi Kimzer bamaze iminsi bagaragaza ko bari mu rukundo bongeye guhamya ko babyinjiyemo bakomeje.

Ku wa 04 Mutarama 2024 ni bwo Kayumba Darina yasangije abamukurikira ifoto yahererekanijwe cyane ndetse ivaho imvugo yo guhamya ko umusore udafite ibisuko [dread] bizagorana ko yakwegukana inkumi yanyuze mu marushanwa y’ubwiza.

Inshuti za hafi z’aba bombi zagaragaje ko zibishimiye mu bitekerezo binyuranye bashyize kuri ubwo butumwa bw’ifoto buherekejwe n’ikimenyetso cy’umutima.

Kimzer na we kuri ubu akaba yasangije abamukurikira ku mugoroba w’uyu wa 28 Mutarama 2024 ifoto yongeraho imitima, ibintu byahise byakiranwa akanyamuneza n’abakurikira uyu musore bavuga ko baberanye.

Kayumba Darina n'umukunzi we bamaranye iminsi itari mike

Mu busanzwe Kimzer umukunzi wa Kayumba Darina ni umuraperi wamaze kubigira umwuga kuva muri 2017 akaba umunyarwanda ariko ufite inkomoko muri Tanzania no mu Budage. Kayumba Darina ari mu bakobwa bigwijeho igikundiro kuva yakwitabira Miss Rwanda 2022 Kimzer ari mu baraperi bafite impano idashidikanywaho na Kayumba Darina akaba afite umwihariko mu kurapa biri no mu byatumye yamamaraAbantu bakomeje kugenda bagaragaza ko babishimiye kandi baberanye ariko babifuriza imigisha .