Urubyiruko rusaga 1000 rwateraniye muri Kigali Convention Centre muri gahunda y'ibiganiro bya TUNYWELESS [AMAFOTO]

Kuri uyu wa 15 Ukuboza 2023, Urubyiruko rusaga 1000 ruteraniye mu ihuriro ririmo kubera muri Kigali Convention Centre, aho barimo kuganira kuri gahunda ya TUNYWELESS ku nsanganyamatsiko bafite yibanda ku "Kwigobotora kubatwa n'inzoga.''

Bibaye muri iki gihe aho bikunze kugaragara cyane ko akenshi mu mpera z'umwaka abantu benshi biganjemo urubyiruko bitabira kunywa inzoga ugereranyije n'ikindi gihe aho usanga hirya no hino banywa bishimira iminsi mikuru.

Gahunda ya TUNYELESS, ikaba rero yaraje ije gushishikariza no gukangurira abantu kunywa gake.

Ubushakashatsi bwa 2021 bwakozwe n’ishami rishinzwe ubuzima bwo mu mutwe mu Kigo cy’Igihugu gishinzwe Ubuzima, RBC, bwagaragaje ko 23.1% by’urubyiruko rwo mu Rwanda rwibasiwe bikomeye n’agahinda gakabije kandi rwanabaswe n’inzoga.