M23 yatangaje ko U Burundi bwinjiye ku mugaragaro mu ntambara iri kurwana ndetse bakozanyaho

Abarwanyi b'umutwe w'inyeshyamba M23 urwanya ubutegetsi bwa Congo baravuga ko bari kurwana n'ingabo za Leta y'u Burundi ziyemeje gufasha FARDC mu ntambara bahanganyemo muri Repubulika ya Demokarasi ya Congo.

Mu itangazo M23 yaraye isohoye, ivuga ko ingabo z'u Burundi ngo zifatanyije n'iza Congo n'indi mitwe yitwaje intwaro irimo na FDLR ku rugamba, mu mirwano ibera mu duce dutandukanye tw'uburasirazuba bw'igihugu.

Ingabo z’u Burundi zisanzwe ziri mu ntara ya Kivu y’amajyaruguru mu butumwa bw’ishyirahamwe rya Afurika y’iburasirazuba, kumwe n’ingabo zo mu bihugu bya Uganda, Kenya na Sudani y’amajyepfo.

Umunyamakuru wa BBC dukesha iyi nkuru yavuganye na Canisius Karemera, umuvugizi wa M23, ayihamiriza aya makuru.