Perezida Kagame yahagaritse ku mirimo Guverineri w'intara y'Iburasirazuba CG (Rtd) Emmanuel Gasana
Emmanuel Gasana ntakiri Guverineri w'Intara y'Iburasirazuba
Oct 25,2023
Kuri uyu wa kabiri itangazo riturutse mu biro bya Minisitiri w'intebe ryemeje ko CG (Rtd) Emmanuel Gasana yahagaritswe ku mirimo ye kubera ibyo agomba kubazwa akurikiranyweho.
Itangazo ryasohotse ahagana saa kumi z'umugoroba kuri uyu wa kabiri rigira riti :
"None kuwa 25 Ukwakira 2023 CG(Rtd) Emmanuel Gasana wari Guverineri w'Intara y'Iburasirazuba yahagaritswe ku mirimo kubera ibyo agomba kubazwa akurikiranyweho".
Ni itangazo ryasinyweho na Minisitiri w'Intebe, Dr Edouard Ngirente mu izina rya Nyakubahwa perezida wa Repubulika y'u Rwanda,Paul Kagame.
Twabibutsa ko CG (Rtd) Emmanuel Gasana yahawe kuyobora Intara y'Iburasirazuba avanywe ku buyobozi bw'Intara y'Amajyepfo.
Nitugira andi makuru tumenya ku kijyanye n'icyo yaba akurikiranyweho turabamenyesha mu yindi nkuru.
Itangazo ryaturutse mu biro bya Minisitiri w'Intebe.