Nyuma y'imirwano ikomeye, M23 yafashe Kicanga yari yarambuwe

Imirwano ikomeye irakomeje mu Burasirazuba bwa Congo. Kuri uyu wa Gatandatu, Umutwe wa M23 wisubije agace ka Kitchanga nyuma yo kwivugana abarwanyi benshi bo mu ihuriro ribarizwamo Mai Mai na FDLR.

Ni imirwano yatangiye mu masaha y’igitondo. Bivugwa ko abarwanyi ba FDLR bari kumwe na Mai Mai Nyatura bakubiswe inshuro na M23, bakava mu gace ka Kitchanga.

Amakuru dukesha IGIHE avuga ko M23 yanatwaye imodoka enye z’igisirikare cya Congo hamwe n’intwaro zasizwe n’abo barwanyi.

Hari n’andi makuru ataremezwa avuga ko mu gihe iyo mirwano irimbanyije, abacanshuro bari kurwana ku ruhande rwa Leta ya Congo, bahungiye mu birindiro bya Monusco biri i Kitchanga.