Onana yamaze gusinyira Simba SC yo muri Tanzania

Ikipe ya Simba SC yo mu Cyiciro cya Mbere muri Shampiyona ya Tanzania, yahaye ikaze Umunya-Cameroun, Willy Essomba Léandre Onana wakiniraga Rayon Sports.

Hari hashize iminsi bikiri mu makuru avugwa, ariko byahavuye bijya mu makuru y’impamo ko Onana ari umukinnyi mushya wa Simba SC.

Ibi byatangajwe biciye ku mbuga nkoranyambaga z’iyi kipe, aho yamuhaye ikaze ivuga ko ari umukinnyi mushya wa yo mu myaka ibiri iri imbere.

Uyu munya-Cameroun w’imyaka 24, yakiniye Rayon Sports imyaka ibiri. Aherutse kwivuzwa mu Amavubi ariko asaba amafaranga menshi nk’uko byavuzwe.

Onana watsindiye Rayon Sports ibitego 19 akanasoza shampiyona nk’uwatsinze byinshi, bivugwa ko yahawe miliyoni 200 z’Amashilingi ya Tanzania, akazajya ahabwa ibihumbi 20$ nk’umushahara w’ukwezi.