Nyuma y'uko Robertinho atandukanye na Vipers yo muri Uganda yahawe gutoza ikipe y'ikomeye

Umunya-Brésil Roberto Oliveira Gonçalves do Carmo uzwi nka Robertinho, yamaze kugirwa umutoza mukuru wa Simba Sports Club yo mu gihugu cya Tanzania.

Iyi kipe y'i Dar es Salaam yahaye ikaze uyu mutoza wanyuze muri Rayon Sports ibicishije ku mbuga nkoranyambaga zayo.

Robertinho yasinye amasezerano yo gutoza Simba Sports Club mu myaka ibiri iri imbere.

Ikinyamakuru Mwanaspoti cyatangaje ko nyuma yo gusinya amasezerano agomba guhita yerekeza mu birwa bya Zanzibar aho Simba Sports Club iri gukina irushanwa rya Mapinduzi Cup, mu rwego rwo kugira ngo arusheho kumenya abakinnyi bayo.

Simba Sports Club igiye kuba ikipe ya kane Robertinho agiye gutoza muri aka karere, nyuma ya Rayon Sports, Gor Mahia yo muri Kenya ndetse na Vipers yo muri Uganda yari amaze umwaka atoza.