USA yahiye ubwoba nyuma yo gushyira hamwe kw'igisirikare cya Iran n'igisirikare cy'Uburusiya

Umubano w’Uburusiya na Irani wavuyemo ubucuti bwuzuye mu bya gisirikare, nk’uko leta Zunze Ubumwe za Amerika zibivuga.

Uburusiya buha Irani imfashanyo ya gisirikare y’akataraboneka, nk’uko bivugwa n’umunyamabanga wa leta ya Amerika mu by’ umutekano,John Kirby.

Amerika yabonye ibyegeranyo byerekana ko ibi bihugu byombi biri kwigira hamwe uko byakora indege zitagira abapilote (drones) zizakoreshwa mu ntambara, nk’uko abivuga.

Amadrone ya Irani aherutse gukurikiranirwa hafi, aho Ukraine ishinja Uburusiya ko bwayakoresheje mu ntambara, Australia nayo igafata ibihano kuri iki kibazo.

Iran yabanje guhakana ko nta drone n’imwe yahaye Uburusiya, ariko nyuma irabyemera ko hari izo cyabahaye mbere y’ibitero muri Ukraine.

Kirby avuga ko gufashanya hagati ya Irani n’Uburusiya mu gukorana za drones bizaba ari akaga kuri Ukraine, ibihugu bituranye na Irani hamwe n’amahanga.

Agira ati: "Uburusiya burimo gushaka uburyo bukorana na Irani mu bijyanye no gukora intwaro.."

Yongeraho ko Amerika ifite ubwoba ko Uburusiya buri gutegura “guha Irani ibikoresho bya gisirikare bigezweho”, birimo za kajugujugu n’ibikoresho byo kurinda ikirere.

Ati: "Irani yabaye igihugu cya mbere gishyigikiye Uburusiya mu bya gisirikare…. Uburusiya bukoresha drones za Irani mu gutera ibice by’amasoko atanga ingufu, ibyatumye amamiliyoni y’abaturage ba Ukraine babura umuriro, uburyo bwo kwishyushya n’ibindi bikenewe

“Abanya Ukraine uyu musi bari gupfa kubera ibikorwa bya Irani”.

Kuri aya magambo ya Kirby, Minisitiri w’Ubwongereza ushinzwe ububanyi n’amahanga, James Cleverly avuga ko Irani yabaye kimwe mu bihugu bishyigikiye cyane Uburusiya mu gisirikare kandi ko ubucuti hagati y’ibi bihugu ari akaga ku mutekano w’isi yose.

Avuga ko aya "masezerano ateje akaga" hagati y’ibi bihugu byombi yatumye Irani yoherereza Uburusiya amagana n’amagana y’amadrone.

 

BBC