Nyuma yo kubona tike ya 1/2 Lionel Messi yanenze umusifuzi wabasifuriye agatanga amakarita 17

Kapiteni w'ikipe ya Argentine, Lionel Messi yanenze bikomeye umusifuzi wasifuye umukino wa 1/4 wahuje Argentine na N'Ubuhorandi, Mateu Lahoz.

Lahoz yatanze amakarita 17 y'umuhondo aho 13 muri yo yayahaye abakinnyi kubera gutongana cyangwa kuvuga ku makosa yasifuwe.

Messi yavuze ko uyu musifuzi atari ku rwego rw'uyu mukino ubwo yabazwaga n'itangazamakur nyuma yo kubona intsinzi.

Yagize ati: "Njye simba nshaka kuvugana n'umusifuzi kuko n'ubundi birangira aguhannye. Gusa abantu babonye ibyabaye. Ndatekereza ko FIFA igomba kubyitaho. Ntiyakabaye ishyira umusifuzi nk'uyu ku mukino ukomeye gutya kandi w'agaciro ku mpande zombe. Umusifuzi ntiyakabaye ananirwa gukora inshingano ze gutya."

Lahoz w'imyaka 45 yasifuye imikino myinshi ikomeye igera ku munani, gusa nk'uko Messi abivuga, ubushobozi bw'uyu musifuzi bwagiye bukemangwa mu mikino 8 y'igikmbe cy'isi aheruka gusafura.

Muri uyu mukino Messi yatsinze igitego ndetse atanga umupira wavuyemo ikindi gitego.

Nyuma yo kwegukana intsinzi batsinze Ubuhorandi kuri Penaliti , Messi yagize ati: "Ni ibyishimo bikomeye kandi ni ugutabarwa gukomeye. Ntwagombaga kugera muri za Penaliti. Twagowe cyane n'uko umukino wari umeze gusa ni 1/4 cy'igikombe cy'isi. Kuba dukomeje ni cyo cy'ingenzi. Argentina iri mu makipe 4 ya mbere ubu kubera ko twagaraje kuri buri mukino ko tuzi gukina buri mukino bitewe n'uko uburyo uteyemo cyangwa ukomeyemo dukoresheje ishyaka ryinshi."

Abantu benshi bavuze kuri uyu mukino banenga cyane umusifuzi aho bamwe bavuze ko umukino wari wamurenze.

Sergio Aguero wahoze akinira ikipe ye Argentine na we ntiyishimiye imisifurire  y'umukino iyi kipe yaraye ikinnye.

Yagize ati: "Mbega umusifuzi ukunda kwibonekeza we!!"

Uko byamera kose utsinda yatsinze. Argentine igomba kwesurana n'umuturanyi wayo muri 1/2 ari we Croatia kuri uyu wa Kabiri taliki ya 14 Ukuboza.