Gasogi United yirukanye uwari umutoza wayo ukomoka mu Misiri ndetse n'umwungiriza we

Ikipe ya GASOGI Utd yo mu cyiciro cya mbere mu Rwanda yirukanye umutoza wayo ukomoka mu Misiri Ahmed Adel n’umwungiriza we Ibrahim Bahaaeldin kubera umusaruro utari mwiza.

Gasogi United yari imaze gutsindwa imikino ibiri, inganya umwe, itsinda itatu, mu mikino 6 imaze gukina.

Kubera uyu musaruro muke nyuma yo gutsindwa na Rwamagana na AS Kigali ku munsi w’ejo igitego 1-0, Gasogi United yasezereye aba batoza bayo bayigezemo muri Nyakanga 2022.

Gasogi yari ifite amanota 10 kuri 18 yari imaze gukinira.

Ahmed Adel yatoje Musanze FC mu 2020, Panthère du Ndé yo muri Cameroun. Yatoje kandi mu bihugu birimo Libya na Oman.

Mu mwaka ushize w’imikino wa 2021/22, Gasogi United yasoje Shampiyona iri ku mwanya wa 11 n’amanota 34 mu gihe yasezerewe na AS Kigali muri ¼ cy’Igikombe cy’Amahoro.