REG BBC yakoze ibitangaza itsinda US Monastir yo muri Tunisia ibona itike iyigeza mu mikino ya nyuma ya BAL 2022

Ikipe ya REG BBC yatsinze US Monastir yo muri Tunisia amanota 75-74 mu mukino wayo wa kane w’irushanwa rya BAL riri gukinwa mu majonjora ari kubera muri Senegal.

Agace ka mbere karangiye REG BBC itsinzwe ku kinyuranyo cy’amanota atanu na US Monastir(21-26), ariko mu gace ka kabiri REG BBC irayagabanya karangira itsinzwe ku kinyuranyo cy’inota rimwe (15-16).

Agace ka 3,REG BBC yakoresheje imbaraga zidasanzwe igatsinda ku manota 20 kuri 13 ya US Monastir.Agace ka nyuma kari gakomeye cyane kuri buri kipe ariko birangira yombi anganyije 19-19.Umukino wose warangiye REG BBC itunguranye iwutsinda ku kinyuranyo cy’inota rimwe gusa (75-74).

REG BBC yahise ibona itike yo kujya mu mikino ya nyuma ya BAL izabera I Kigali,gusa isigaje guhura na Clube Ferroviário da Beira ya Mozambique ku munsi wa nyuma.

Iyi US Monastir yatsinzwe na REG BBC, yageze ku mukino wa nyuma wa BAL 2021.