Reba ikintu gikomeye Cristiano Ronaldo yakoreye umugore ucunga umutekano ku kibuga yashose umupira akitura hasi - AMAFOTO

Rutahizamu wa Manchester United, Cristiano Ronaldo,yateye ishoti rikomeye hanze atabishaka rikubita umugore wacungaga umutekano kuri stade ahita yikubita hasi ubwo we na bagenzi be barimo kwishyushya mbere y’umukino.

 

. Cristiano Ronaldo yahaye umupira yari yambaye umugore yashose akitura hasi

. Umugore yagaragaye ari mu byishimo byinshi nyuma yo guhabwa umupira na Cristiano Ronadlo

 

Mbere y’uyu mukino Manchester United yatsinzwemo na Young Boys ibitego 2-1,Cristiano Ronaldo yateye ishoti rikomeye hanze y’ikibuga,umupira ugonga umurinzi wo ku kibuga yikubita hasi abari kumwe nawe bahita bajya kumutabara.

 

Uyu mukinnyi abonye uyu mugore yituye hasi,yahise ajya kumureba no kumuhumuriza no kumenya ko nta kibazo yagize,yahise asubira mu kibuga.

 

Ubwo uyu mukino wari urangiye,Cristiano Ronaldo yahise ajya guha amashyi uyu mugore ucunga umutekano arangije amuhereza umupira yakinnye yambaye.

Uyu mugore yagaragaye yishimye nyuma yo guhabwa uyu mupira na Cristiano Ronaldo ukundwa n’abafana benshi kurusha abandi ku isi. Ni mugihe kandi kuko iki gikorwa Cristiano Ronaldo yakoze gisa no guha uyu mugore amafaranga menshi kuko aramutse ashyize ku isoko uyu mupira yahawe yawukuramo akayabo.

Ronaldo yaraye atsinze igitego cya 3 muri United mu mikino 2 amaze kuyikinira,gusa Young Boys yo mu Busuwisi yaraye ibatsinze ibitego 2-1.

 

. Champions League: Manchester United ya Cristiano Ronaldo yatangiye itsindwa - AMAFOTO

. Mozambique: Minisitiri w'umutekano araburira abarimo ingabo z'u Rwanda

 

Ronaldo yaraye anganyije agahigo na Iker Casillas ko kuba abakinnyi bamaze gukina imikino myinshi kurusha abandi bose muri UEFA Champions League.Bombi bamaze gukina imikino 177.