Habonetse ubundi bwoko bushya bwa Covid-19 bwandura vuba cyane muri Afurika y'Epfo

Abashakashatsi bo muri Afurika y'Epfo bari gukurikiranira hafi ubundi bwoko bushya bwa Coronavirus bwitwa C.1.2 bugenda buhindagurika kenshi.

Ubu bushakashatsi ntiburemeza niba koko ari ubundi bwoko (variant) buteye ubwoba.

Ubu bwoko bumaze kuboneka mu ntara zose za Afurika y'Epfo ndetse bwabonetse no mu bihugu birindwi byo mu yindi migabane ya Asia, Ubulaya na Ocenania nk'uko BBC yabitangaje.

Maria van Kerkhove, ushinzwe ubushakashatsi ku bijyanye na Covid-19 muri OMS/WHO avuga ko ubu bwandu budasa n'ubundi busanzwe bukwirakwira ku muvuduko munini.

Avuga ko nihagira igihinduka, bazamenyesha abatuye Isi.