Igisupusupu Yakatiwe Igifungo Cy’agateganyo
Jul 30,2021
Urukiko rw'Ibanze rwa Kiramuruzi ruherereye mu Karere ka Gatsibo rwakatiye umuhanzi Nsengiyumva François wamamaye nka Igisupusupu, igifungo cy'agateganyo cy'iminsi 30, mu gihe hagikorwa iperereza ku byaha byo guhohotera umukobwa w'imyaka 13 y'amavuko.
Ni umwanzuro umucamanza yatanze nyuma y'aho Igisupusupu aburanye ifungwa n'ifungurwa ry'agateganyo.
Uyu muhanzi yatawe muri yombi n'urwego rw'igihugu rw'ubugenzacyaha, RIB, tariki ya 18 Kamena 2021 akekwaho iki cyaha yaba yarakoreye uyu mukobwa wari umukozi wo mu rugo we.