Yakinnye iminota 90 atarakoza ku mupira. Reba uduhigo dutangaje ku bakinnyi n'amakipe y'ibigugu mu mupira w'amaguru
Thomas Langu Sweswe,ni umunya Zimbabwe wakinnye nka myugariro mu makipe nka Manning Rangers, Kaizer Chiefs, Bidvest Wits na Black Leopards zo muri Afurika y'Epfo.
Uyu mugabo yanakiniye Highlanders, Dynamos na ZPC Kariba zo muri Zimbabwe, mbere yo gusezera ku mupira w'amaguru muri 2017 ubwo yari afite imyaka 35 y'amavuko.
Uyu Sweswe azwiho kuba yarakinnye iminota 90 y'umukino adakora ku mupira, kamwe mu duhigo dukomeye mu mupira w'amaguru bizagorana kugira ngo hagire ugaca.
Uretse aka gahigo kadasanzwe, hari n'utundi tudasanzwe bigoranye kugira ngo hazagire abaduca.
Utu duhigo turimo :
1. Ryan Giggs wahoze akinira Manchester United yatsinze ibitego birenga 100 bitarimo hat-trick n'imwe.
2. Sergio Ramos ukinira Real Madrid afite agahigo ko guhabwa amakarita y'imihondo 26 mu mikino 38.
3. Tottenham iri mu makipe akomeye mu Bwongereza ifite agahigo ko kumara imyaka 58 idatwara igikombe cya shampiyona.
4. Lionel Messi afite agahigo kihariye ko kuba ari we mukinnyi uzwi watsinze ibitego 91 mu mwaka umwe w'imikino.
5. Kanu Nwankwo afite agahigo ko kuba yarakinnye irushanwa ry'igikombe cya Afurika incuro esheshatu ntagire igitego na kimwe atsinda.
6. Robet Lewandowski afite agahigo ko gutsinda ibitego bitatu mu minota icyenda.
7. Jesse Lingard wa Manchester United afite agahigo ko kumara imikino 25 nta shoti na rimwe rigana mu izamu ateye.
8. Eric Bailly afite agahigo ko gutera ishoti rikarenga stade.
9. Liverpool yihariye ku kuba ari yo kipe yigeze kugira amanota 97 ntitware igikombe cya shampiyona.
10. Zlatan Ibrahimovic na Cristiano Ronaldo bihariye agahigo ko kuba nta munota n'umwe ubaho batatsinzeho igitego.
11. Sadio Mane afite agahigo ko gutsinda ibitego bitatu mu minota ibiri.
12. Zinedine Zidane yihariye kuba ari we mukinnyi uzwi utarigeze ararira muri kariyeri ye.
13. Real Madrid yihariye kuba ikipe rukumbi yatwaye UEFA Championship League eshatu zikurikiranya.
14. Harry Kane ni we mukinnyi watsinze ibitego birenga 150 ariko ntagire igikombe na kimwe atwara.
15. Phillip Lahm we yihariye ku kuba ari we mukinnyi uzwi wasezeye ku mupira w'amaguru ateretswe ikarita itukura.
16. Gerardo Bedoya we afite agahigo ko kuba ari we weretswe amakarita atukura mu mateka, aho yeretswe 46.